බොරතෙල් මිලේ කැපී පෙනෙන පහළ යෑමක්

ලෝක වෙළෙඳපොලේ බොරතෙල් මිල ඊයේ (07) දින කැපී පෙනෙන අඩු වීමක් පෙන්නුම් කර තිබේ.

ඒ අනුව බ්‍රෙන්ට් බොරතෙල් බැරලයක් ඩොලර් 2යි ශත 30කින් පමණ පහත වැටී ඇත.

එහි අගය සටහන් වුයේ ඩොලර් 82යි ශත 88ක් ලෙස ය.

එම අගය පසුගිය ජුලි අවසන් සතියෙන් පසු වාර්තා වූ පහළම අගය වේ.

මේ අතර ඔපෙක් සංවිධානයේ මහා ලේකම් හයිතම් අල් ගයිස් පවසන්නේ ගෝලීය ආර්ථික තත්ත්වයේ බලපෑම් පිලිබඳ නොසිතා අඛණ්ඩව තෙල් ඉල්ලුම සම්බන්ධයෙන් කටයුතු කරන බවයි.

සෞදි අරාබිය සහ රුසියාව මේ වනවිටත් ඔවුන්ගේ ඉන්ධන නිෂ්පාදන සහ අපනයන කප්පාදුව මේ වසර අවසන් වනතෙක් ක්‍රියාත්මක කරන බව ද සඳහන් වේ.