වසර 10,000 කට පෙර වඳවී ගිය ‘Dire Wolf’ වෘකයන්ට නැවත පණ දෙයි
වසර 10,000 කට පෙර ජීවත් වූ, මිහිමතින් වඳ වී ගිය, ‘ඩයර් වුල්ෆ්’ යන නමින් හැඳින්වෙන වෘකයන්ට පණ දීමට ඇමෙරිකානු විද්‍යාඥයෝ පිරිසක් සමත් වී සිටිති.
2024 වසරේ උපත ලැබු මොවුන් මේ වන විට අවුරුදු 1 1/2 වියැති බවත් සඳහන්.
ඒ අනුව, මේ වනවිට ඩයර් වුල්ෆ් පිරිමි පැටවුන් දෙදෙනෙක් සහ ගැහැණු පැටවෙක් උපත ලබා ඇති බවයි, වාර්තා වන්නේ.
මෙලෙස ‘ඩයර් වුල්ෆ්’ වෘකයන්ට යළි පණ දීම සිදු කර ඇත්තේ, එම කාලයේ සිටි ඩයර් වුල්ෆ් සත්ත්ව පොසිල මගින් වන අතර මිහිමතින් වඳ වී ගිය සතෙකුට මේ අයුරින් පණ දුන් පළමු අවස්ථාව මෙය වීම විශේෂත්වයකි.
‘ඩයර් වුල්ෆ්’ යන්නෙහි අරුත බිහිසුණු වෘකයා යන්නය. මෙම වෘකයන් වර්තමානයේ අපට දකින්න ලැබෙන වෘකයන්ට වඩා ප්‍රමාණයෙන් තරමක් විශාලය.
වර්තමානයේ දකින්න ලැබෙන අළු වෘක ධේනුවකගේ බීජාණු සෛලවල ඩී.එන්.ඒ. අඩංගු න්‍යෂ්ටි කොටස ඉවත් කරමින්, ‘ඩයර් වුල්ෆ්’ වෘකයන්ගේ ජානමය ව්‍යුහයට අනුව එය යළි නිර්මාණය කිරීමට විද්‍යාඥයෝ සමත් වූහ.
‘ඩයර් වුල්ෆ්’ වෘකයන්ගේ ජානමය ව්‍යුහයට අනුව සකස් කළ එම බීජාණු, සුරතල් බැල්ලකගේ ගර්භාෂයේ තැන්පත් කර, පසුව පැටවුන් ලබා ගැනීම සිදු කෙරුණි.
ඒ අනුව, සුදු පැහැති ‘ඩයර් වුල්ෆ්’ වෘක පැටවුන් තිදෙනකුට පණ දීමට විද්‍යාඥයන් සමත් වූ අතර එම තිදෙනා රොමියුලස්, රීමස් සහ කලීසී යනුවෙන් නම් කර ඇත.
මෙම හපන්කම සිදු කළේ ඇමෙරිකාවේ ‘කොලෝසල් බයෝසයන්ස්’ විද්‍යා පර්යේෂණ සමාගමය. අයිස් යුගයේ ජීවත් වුණු මැමතකුට පණ දීමට ද මෙම සමාගම සූදානම් වෙයි. ඒ, 2028 වසරේදීය.
ඊට අමතරව, වඳ වී ගිය පියාඹා යා නොහැකි ඩෝඩෝ කුරුල්ලකුටත්, ටැස්මේනියානු ව්‍යාඝ්‍රයකුටත් පණ දීමට ‘කොලෝසල් බයෝසයන්ස්’ විද්‍යාඥයන් සූදානම් බව පැවසෙයි.
