කිරි තේ එකක මිල රුපියල් 10 කින් ඉහළට
ආනයනික කිරිපිටි මිල ඉහළ යාම හේතුවෙන් කිරි තේ කෝප්පයක මිල රුපියල් 10 කින් ඉහළ දැමීමට තීරණය කළ බව සමස්ත ලංකා ආපනශාලා හිමියන්ගේ සංගමය පවසයි.
කිරිපිටි මිල සියයට 4.7කින් ඉහළ දැමීමට කිරිපිටි ආනයනකරුවන් පසුගිය 18 වනදා තීරණය කළ බවත් ඒ අනුව ආනයනික කිරිපිටි ග්‍රෑම් 400 පැකට්ටුවක මිල රුපියල් 50කින් පමණ ඉහළ ගිය බවත් එම සංගමය සදහන් කළේය.
මෙම මිල වැඩි වීම ඊයේ (31) මධ්‍යම රාත්‍රියේ සිට ක්‍රියාත්මක බවයි පැවසෙන්නේ.
