![වැඩවර්ජනයට නොගොස් වැඩට ආ ගුරුවරුන්ට පඩි වැඩිවෙන විදිය වැඩවර්ජනයට නොගොස් වැඩට ආ ගුරුවරුන්ට පඩි වැඩිවෙන විදිය](https://cdn.statically.io/img/newsi.lk/wp-content/uploads/2023/08/teacher.jpg?quality=100&f=auto)
වැඩවර්ජනයට නොගොස් වැඩට ආ ගුරුවරුන්ට පඩි වැඩිවෙන විදිය
වැඩවර්ජනයට එක් නොවී සේවයට වාර්තා කළ රාජ්ය සේවකයන්ට වැටුප් වැඩිවීම් ලැබෙන ආකාරය පිලිබඳ අමාත්ය බන්දුල ගුණවර්ධන මහතා අද (10) පැවති කැබිනට් තීරණ දැනුම්දීමේ මාධ්ය හමුවේදී පැහැදිලි කළේය.
වෘත්තීය සමිති වැඩවර්ජනයට එක් නොවී සේවයට වාර්තා කළ, විධායක ශ්රේණියේ නොවන සියලුම රාජ්ය නිලධාරීන්ට විශේෂ වැටුප් වර්ධකයක් ලබාදීමටත්, ඉදිරි උසස්වීම් සඳහා යොදාගත හැකි විශේෂ ප්රශංසා සහතිකයක් නිකුත් කිරීමටත් ඊයේ (09) කැබිනට් අනුමැතිය හිමිවුණි.
“වර්ජනය කරපු දිනවල, කඩාකප්පල්කාරී ක්රියාවට සම්බන්ධ නොවී දරුවන්ගේ පැත්තේ හිටගත්තු ගුරුවරුන්ට විතරක් 3.1 ශ්රේණියේ ගුරුවරයෙකුට රුපියල් 525 කුත්, 2 වන ශ්රේණියේ පළමු පංතියේ ගුරුවරයෙකුට රු 1,335ක වැටුප් වැඩිවීමකුත්, පළමු ශ්රේණියේ ගුරුවරුන් සඳහා රු 1,630ක වැටුප් වර්ධකයෙකුත් විශ්රාම වැටුපට බලනොපාන ආකාරයට වැටුප්වල වර්ධකයක් ලැබෙනවා.”
“රාජ්ය අංශයේ අනෙකුත් සුළු සේවකයින් හා අනෙකුත් අයටත්, වැඩකරපු සියලුදෙනාටත් මෙවැනි වැටුප් වර්ධකයන් ලැබෙනවා ඇති. භාණ්ඩාගාරයට මුදල් නැත්නම් කොතරම් උද්ඝෝෂණය කරත්, කොතරම් වැඩ වර්ජනය කරත්, කොතරම් සාප කළත්, පොල් ගැහුවත්, දේවාලවලට ගියත් කොහෙන්ද දෙන්නේ ? කවුද දෙන්නේ ?”