මාතලේ රක්ෂිතයකින් T 56 ගිනි අවියක් හමුවෙයි
මාතලේ, සුදු ගඟ රක්ෂිතයේ ගමන් මල්ලක දමා සඟවා තිබූ ටී 56 වර්ගයේ ගිනිඅවියක් සහ පතොරම් ගැබ් 02ක් ඊයේ (29) සොයා ගත් බව මාතලේ පොලිසිය පවසයි.
මාතලේ පොලිස් ස්ථානයේ නිලධාරීන් ට ලැබුණු තොරතුරක් අනුව සිදුකළ සෝදිසි මෙහෙයුමකදී මෙම ගිනිඅවිය සහ පතොරම් ගැබ් 02ක සොයා ගත් බව පොලිසිය කියයි.
අදාළ ටී 56 ගිනිඅවිය මෙම ස්ථානයේ සැඟ වූ සැකකරුවන් අත්අඩංගුවට ගැනීම සඳහා මාතලේ පොලීසිය වැඩිදුර විමර්ශන සිදු කරනු ලබයි.
වැඩ බලන පොලිස්පතිවරයාගේ උපදෙස් මත දිවයින පුරා ක්‍රියාත්මක වන පොලීසිය විසින් සිදු කරගෙන යනු ලබන අපරාධ හා මත්ද්‍රව්‍ය නිවාරණ මෙහෙයුමට අදාලව මෙම මෙහෙයුම ක්‍රියාත්මක කර තිබුණි.
