ශ්‍රී ලංකා – නවසීලන්ත පළමු විස්සයි 20 තරඟය අද
සංචාරක ශ්‍රී ලංකා කණ්ඩායම සහ නවසීලන්ත කණ්ඩායම අතර තරග 3කින් සමන්විත විස්සයි 20 ක්‍රිකට් තරගාවලියේ පළමු තරගය අද (28) පැවැත්වීමට නියමිතව තිබේ.
මෙම තරගය මෙරට වේලාවෙන් පෙරවරු 11.45ට නවසීලන්තයේ මවුන්ට් මවුන්ගනුයි හි බේ ඕවල් ක්‍රීඩාංගනයේදී ආරම්භ වීමට නියමිතයි.
මෙම තරගාවලියේදී ශ්‍රී ලංකා කණ්ඩායමේ නායකයා ලෙස චරිත් අසලංකත් නවසීලන්ත කණ්ඩායමේ නායක ලෙස මිචෙල් සැන්ට්නර් කණ්ඩායම් දෙක මෙහෙයවනු ලබයි.
මේ අතර තරග තුනකින් සමන්විත විස්සයි විස්ස තරගාවලියේ පළමු තරගයේ සහ තුන්වන තරගය සඳහා නිකුත් කර ඇති ප්‍රවේශ පත්‍ර සියල්ලම මේ වනවිට අලෙවි වී ඇති බවයි, නවසීලන්තයෙන් තොරතුරු වාර්තා වන්නේ.
ශ්‍රී ලංකාව සහ නවසීලන්තය අතර මේ දක්වා විස්සයි විස්ස තරග 25ක් පවත්වා ඇති අතර, ඉන් තරග 14ක් නවසීලන්තය ද තරග 10ක් ශ්‍රී ලංකාව ද ජයගෙන තිබේ.