![වේග සීමා රෙගුලාසි ඇතුළත් ගැසට් පත්රයක් ළඟදීම වේග සීමා රෙගුලාසි ඇතුළත් ගැසට් පත්රයක් ළඟදීම](https://cdn.statically.io/img/newsi.lk/wp-content/uploads/2024/07/wahana-wega-seema.jpg?quality=100&f=auto)
වේග සීමා රෙගුලාසි ඇතුළත් ගැසට් පත්රයක් ළඟදීම
වේග සීමා සම්බන්ධයෙන් අවශ්ය රෙගුලාසි ඇතුළත් ගැසට් පත්රයක් ළඟදීම නිකුත් කරන බව ප්රවාහන රාජ්ය අමාත්ය ලසන්ත අලගියවන්න මහතා පවසනවා.
මාර්ග අනතුරු අවම කිරීමේ ගැසට් පත්රය ඉදිරි සති දෙක තුළ නිකුත් කිරීමට ප්රවාහන අමාත්යාංශය අපේක්ෂා කරන බව රාජ්ය අමාත්යවරයා සඳහන් කරනවා.
ජනාධිපති මාධ්ය කේන්ද්රයේ ඊයේ (11) පැවති ප්රවෘත්ති සාකච්ඡාවකට එක්වෙමින් අමාත්යවරයා මේ බව පවසා සිටියා.
රාජ්ය අමාත්යවරයා 2023 දී මාර්ග අනතුරු 2,214 ක් වාර්තා වී ඇති අතර එහි ප්රතිඵලයක් ලෙස මරණ 2,321 ක් සිදුව තිබෙන බවයි.
ජූනි 30 වැනිදා වන විට මේ වසරේ මුළු මාර්ග අනතුරු 1,103ක් වාර්තා වී ඇති අතර, මරණ 1,154ක් වාර්තා වී තිබෙන බව අමාත්යවරයා මෙහිදි පැවසුවා.
මෙම ගැටළුව විසඳීම සඳහා ප්රවාහන අමාත්යාංශය මාර්ග අනතුරු අවම කිරීමේ අරමුණින් විවිධ වැඩසටහන් ක්රියාවට නංවා ඇති බව ද ඔහු පැවසීය.
එවැනි එක් පියවරක් ලෙස රාජ්ය අමාත්යවරයා පැවසුවේ, මාර්ග ආරක්ෂාව පිළිබඳ ජාතික සභාව විසින් අවශ්ය වේග පාලන උපකරණ මිලදී ගැනීම සඳහා ශ්රී ලංකා පොලිසියට මිලියන 50ක් වෙන්කර ඇති බවයි.
ඉදිරි සතිවලදී නව මාර්ග වේග සීමා රෙගුලාසි ඇතුළත් ගැසට් පත්රය ප්රවාහන අමාත්යාංශය විසින් නිකුත් කරන බව ඔහු වැඩිදුරටත් සඳහන් කළා.