නාගලගම්වීදිය වෙඩි තැබීමට 24 හැවිරිදි තරුණියක් අත්අඩංගුවට

නාගලගම්වීදිය වෙඩි තැබීමට 24 හැවිරිදි තරුණියක් අත්අඩංගුවට

තොටළඟ, නාගලගම්වීදිය ප්‍රදේශයේදී පුද්ගලයන් දෙදෙනෙකුට වෙඩි තබා තුවාල කිරීමේ සිද්ධිය සම්බන්ධයෙන් ආධාර අනුබල දුන් බව කියන කාන්තාවක් අත්අඩංගුවට ගත් බව ග්‍රෑන්ඩ්පාස් පොලිසිය පවසයි.

මෙසේ අත්අඩංගුවට ගෙන ඇත්තේ, කොටුවිල, වැල්ලම්පිටිය ප්‍රදේශයේ පදිංචි 24 හැවිරිදි කාන්තාවකි.

යතුරුපැදියකින් පැමිණි පුද්ගලයින් දෙදෙනෙකු විසින් පසුගිය 17 වනදා රාත්‍රියේ තවත් පුද්ගලයන් දෙදෙනෙකු ඉලක්ක කර මෙම වෙඩිතැබීම සිදුකර තිබුණි.

සිද්ධිය සම්බන්ධයෙන් පසුගිය 18 වැනිදා අත්අඩංගුවට ගත් සැකකරුවෙකුගෙන් කරන ලද ප්‍රශ්න කිරීම් වලදී ඔහුගේ බිරිඳ ද මෙම අපරාධයට අධාර අනුබල දීම සම්බන්ධයෙන් මෙලෙස ඊයේ (20) ග්‍රෑන්ඩ්පාස් පොලිස් ස්ථානයේ නිලධාරින් කණ්ඩායමක් විසින් අත්අඩංගුවට ගෙන ඇත.

ග්‍රෑන්ඩ්පාස් පොලීසිය සිද්ධිය සම්බන්ධයෙන් වැඩිදුර විමර්ශන සිදුකරයි.