මත්ද්‍රව්‍ය ජාවාරම්කරුවෙකුගේ නිවසට වෙඩි ප්‍රහාරයක්
හෝමාගම පනාගොඩ පැලෑදගොඩ ප්‍රදේශයේ පිහිටි මත්ද්‍රව්‍ය ජාවාරම්කරුවෙකු බව කියන චතුර මධුසංඛ නැමැත්තාගේ නිවසට අද (18) අලුයම වෙඩි ප්‍රහාරයක් එල්ල වී තිබේ.
මීගොඩ පොලිසිය පැවසුවේ, යතුරු පැදියකින් පැමිණි නාදුනන පුද්ගලයින් දෙදෙනෙකු විසින් මෙම වෙඩි ප්‍රහාරය එල්ල කර පලා ගොස් ඇති බවට සිදුකල මූලික විමර්ශණයේදී අනාවරණය වූ බවයි.
මෙම වෙඩි තැබීම විදේශ ගතව සිටින තවත් ප්‍රධානතම මත්ද්‍රව්‍ය ජාවාරම්කරුකුගේ මෙහෙයවීම මත සිදුකර ඇති බවට සැක කරන බවද මීගොඩ පොලිසියේ උසස් නිලධාරියෙකු පැවසීය.
