හබරාදූවේ වෙඩි තැබීමක් – දෙදෙනෙකු රෝහලට
හබරාදූව, හරුමල්ගොඩ ප්‍රදේශයේ ඊයේ (28) රාත්‍රියේ සිදු කළ වෙඩි තැබීමකින් පුද්ගලයන් දෙදෙනෙකු තුවාල ලබා රෝහල් ගත කර තිබේ.
හබරාදූව පොලීසිය පැවසුවේ, මාළු වෙළෙන්දකු සහ ත්‍රිරෝද රථ රියැදුරකු එලෙස තුවාල ලබා ඇති බවයි.
යතුරු පැදියකින් පැමිණි නාඳුනන පුද්ගලයන් දෙදෙනකු මෙම වෙඩි තැබීම සිදුකර ඇති අතර වෙඩි වැදුන පුද්ගලයා අසල තිබූ ත්‍රිරෝද රථයකට ඇතුලුවනවාත් සමග වෙඩික්කරුවන් එම ත්‍රිරෝද රථයටද වෙඩි තබා ඇතැයි පොලිසිය පවසයි.
එහිදී ත්‍රිරෝද රථයේ රියදුරුට ද වෙඩි වැදී තිබේ.
කෙසේවෙතත් ඔහු ත්‍රිරෝද රථය නොනවත්වා රෝහල වෙත ධාවනය කර තිබු බව පොලීසිය සඳහන් කළේය.
වෙඩිවැදිමෙන් 34 සහ 54 හැවිරිදි පුද්ගලයින් දෙදෙනෙකු තුවාල ලබා ඇති අතර, ඔවුන් හබරාදූව සහ අගුළුගහ ප්‍රදේශවල පදිංචිකරුවන් බව පොලීසිය පවසයි.