සීගිරිය රාත්‍රියට විවෘත කිරීමේ තීරණයක් නෑ
සීගිරි පර්වත බලකොටුව දෙස් විදෙස් සංචාරකයන් සඳහා රාත්‍රි කාලයේදීත් විවෘතව තබන බවට ඇතැම් සමාජ මාධ්‍ය ඔස්සේ පැතිර යන වාර්තා ප්‍රතික්ෂේප කරන බව බුද්ධශාසන, ආගමික හා සංස්කෘතික කටයුතු අමාත්‍යාංශය පවසයි.
රාත්‍රී කාලයේ සංචාරක කටයුතු සඳහා සීගිරිය විදුලි බුබුළු වලින් ආලෝකමත් කර ඇති බවට සමාජ මාධ්‍ය ඔස්සේ පැතිර ගිය ප්‍රවෘත්තියකට ප්‍රතිචාර දක්වමින් අමාත්‍යාංශය පැහැදිලි කළේ, එවැනි තීරණයක් ගෙන නොමැති බවයි.
එම ප්‍රවෘත්තියට අදාළ බව පවසමින් රාත්‍රී කාලයේ සංචාකරයින් රැඳී සිටින ස්ථානයක ඡායා රූපයක් ද පළ කර තිබූ අතර එහි දැක්වූයේ එම ඡායා රූපය සිගිරියේ රාත්‍රී දර්ශනයක් බවයි.
එලෙස සමාජ මාධ්‍ය තුළ සංසරණය වන සිගිරියේ ඡායා රූපයක් බව සඳහන් කර ඇති ඡායා රූපය සීගිරියට අදාළ ඡායා රූපයක් නොවන බව ද සංස්කෘතික කටයුතු අමාත්‍යාංශය නිවේදනයක් නිකුත් කරමින් දැනුම් දෙයි.
