සෙනසුරුගේ වළලු අතුරුදන්
සෙනසුරු ග්‍රහයා වටා පිහිටා ඇති සුවිශේෂී වළලු පද්ධතිය මේ සතියේ දී පෘථිවියට නොපෙනී ගොස් ඇතැයි තාරකා විද්‍යාඥයින් අනාවරණය කර ඇත.
සෑම වසර 13ක් හෝ 15ක් දක්වා වන කාලයකට වරක් මෙලෙස සෙනසුරු ග්‍රහයාගේ වළලු පෘථිවි දෘෂ්ඨි රේඛාවෙන් නොපෙනී යන බව සදහන් වේ.
විදෙස් මාධ්‍ය වාර්තා කළේ, මෙම දුර්ලභ සිදුවීම පෙරේදා (23) රාත්‍රී 09.34ට පමණ ඉන්දියාවට දර්ශනය වෙමින් සිදු ව ඇති බවයි.
“වළලු තලය තරණය” ලෙස හැඳින්වෙන මෙම දුර්ලභ සිදුවීම, මාර්තු 23 වැනිදා සිට ආරම්භ වී ඇති අතර මේ අනුව තවත් මාස 9ක කාලයක් එහි වළලු පෘථිවියට දිස්නොවනු ඇති බවට වාර්තවේ.
මෙම සුවිශේෂී සංසිද්ධිය සිදුවන්නේ සෙනසුරු ග්‍රහයා අංශක 26.7ක ඇලවුණු අක්ෂයක් මත භ්‍රමණය වීමත් සමඟ එහි වළලු පෘථිවියට නොපෙනී යාම හේතුවෙනි.
සෙනසුරුගේ මේ සුවිශේෂී සංසිද්ධිය පෘථිවි වාසීන් අවසන් වරට අත්විඳ ඇත්තේ 2009 වසරේදීය.
සෙනසුරු ග්‍රහයාගේ වළලු ප්‍රධාන වශයෙන් අයිස් අංශු, පාෂාණමය සුන්බුන් සහ කොස්මික් දූවිලිවලින් සෑදී ඇති අතර එය දර්ශනීය දසුනක් සෙනසුරු වෙත එක් කරනු ලැබේ.
