සුපිරි බොලිවුඩ් නළු සයිෆ් අලි ඛාන්ට පිහි ප්‍රහාරයක්
ජනප්‍රිය බොලිවුඩ් රංගන ශිල්පී සයිෆ් අලි ඛාන් ඊයේ (15) රාත්‍රියේ ඔහුගේ නිවසේදීම පිහි ඇණුමකට ලක්ව තුවාල ලබා රෝහල් ගත කර තිබේ.
අලුයම 2.30 ට පමණ ඔහුගේ මුම්බායි හි පිහිටි නිවස මංකොල්ලකෑමට පැමිණි පුද්ගලයෙක් විසින් එම පිහි ඇණුම සිදුකර ඇති බව ඉන්දීය මාධ්‍ය වාර්තා කර තිබේ.
සිද්ධියේදී තුවාල ලබා මුම්බායි ලීලාවතී රෝහලට ඇතුළත් කෙරුණු සයිෆ් අලී ඛාන්ට අවශ්‍ය ප්‍රතිකාර ලබා දීමට වෛද්‍යවරුන් කටයුතු කර ඇත.
ඔහුට තුවාල හයක් සිදුව ඇති අතර, ඉන් දෙකක් ගැඹුරු තුවාල බවත්, එක් තුවාලයක් ඔහුගේ කොඳු ඇට පෙළට සමීපයේ සිදුව ඇති බවත්, වෛද්‍යවරුන් ප්‍රකාශ කර තිබේ.
ඒ අනුව, ඔහුට ශල්‍යකර්මයක් සිදු කරන බවයි, රෝහලේ වෛද්‍යවරුන් පවසා ඇත්තේ.
සිද්ධිය සම්බන්ධව විමර්ශන මේ වන විට ක්‍රියාත්මකය.