![සාගල ගිය රථ පෙළ වීඩියෝ කළ තරුණයෙක් අත්අඩංගුවට සාගල ගිය රථ පෙළ වීඩියෝ කළ තරුණයෙක් අත්අඩංගුවට](https://cdn.statically.io/img/newsi.lk/wp-content/uploads/2024/07/sagala-gt.jpg?quality=100&f=auto)
සාගල ගිය රථ පෙළ වීඩියෝ කළ තරුණයෙක් අත්අඩංගුවට
ජනාධිපති ජ්යෙෂ්ඨ උපදේශක හා ජනාධිපති කාර්ය මණ්ඩලය ප්රධානි සාගල රත්නායක මහතා ගමන් ගත් රථ පෙළ ජංගම දුරකථනයෙන් වීඩියෝ ගත කළ 21 හැවිරිදි සිසුවෙකු අත්අඩංගුවට ගත් බව කොල්ලුපිටිය පොලිසිය පවසයි.
මෙලෙස අත්අඩංගුවට ගෙන ඇත්තේ පොතුවිල් අල් නජාත් මාවත, පොතුවිල් පදිංචි පුද්ගලයෙකි.
කොල්ලුපිටිය අර්නස්ට් ද සිල්වා මාවතේ 28 වන පටුමග හන්දිය අසලදී සැකකාර සිසුවා අත්අඩංගුවට ගෙන ජංගම දුරකථනය පොලිස් බාරයට ගෙන ඇත.
සැකකාර සිසුවා පොතුවිල් අල් නජාත් පාරේ පදිංචි 44 හැවිරිදි පුද්ගලයෙකු සමඟ ඩුබායි තානාපති කාර්ය වෙත පැමිණ ඇති බවත් එම අවස්ථාවේදී මීට පෙර පොලිස් ආරක්ෂාව මත ගමන් ගන්නා වි අයි පි රථ පෙළක් සියැසින් දැක නොමැති බැවින් වීඩියෝ ගත කල බවත් ප්රශ්න කිරීමේදී ප්රකාශ කර ඇති බව පොලිස් ආරංචි මාර්ග සඳහන් කරයි
සිධිය සම්බන්ධයෙන් කොල්ලූපිටිය පොලිසිය පරීක්ෂණ පවත්වයි.