මුදලට සුරාබදු බලපත්‍ර නිකුත් කිරීම ගැන හිටපු ජනපතිගේ කාර්යාලයෙන් නිවේදනයක්
පසුගිය රජය විසින් සුරාබදු බලපත්‍ර නිකුත් කිරීම සම්බන්ධයෙන් හිටපු ජනාධිපති රනිල් වික්‍රමසිංහගේ කාර්යාලය මඟින් විශේෂ නිවේදනයක් නිකුත් කර තිබෙනවා.
එම නිවේදනය මඟින් වැඩිදුරටත් දක්වා ඇත්තේ රට මුහුණ දී තිබූ ආර්ථික බංකොලොත් භාවයෙන් ගොඩඒමට සුදුසු පියවර ගන්නා ලෙස පාර්ලිමේන්තු ක්‍රම සහ විධි කාරක සභාව රජයට දැනුම් දී තිබූ බවත්, ඒ අනුව රජයේ ආදායම වැඩිකර ගැනීමට මුදල් අයකර සුරාබදු බලපත්‍ර නිකුත් කිරීම සිදුකළ බවත්ය.
එමෙන්ම නිදහසෙන් පසු 2022 වසර වන තුරුම සුරාබදු බලපත්‍ර නිකුත් කිරීමට රජය මුදල් අයකර ගැනීමක් සිදුකර නොතිබූ බව ද අදාළ නිවේදනයේ සඳහන් කර තිබෙනවා.
