පොලිස් නිලධාරියෙක් හප්පා මරණයට පත් කළ වාහනයක් සොයා පරීක්ෂණ
පොළොන්නරුව පොලිසියට අනුයුක්තව සේවය කරන ලද පොලිස් නිලධාරියකු ඊයේ (04) රාත්‍රී වාහනයකින් හප්පා පලා ගොස් ඇති අතර ඔහු මියගොස් ඇති බවට පොළොන්නරුව පොලිසිය පවසයි.
මෙසේ මියගොස් ඇත්තේ, පොළොන්නරුව පොලිසියේ පොලිස් නිල නිවාස වල ජීවත්ව සිටි පනස් පස් හැවිරිදි තිදරු පියෙකු බවයි, පොලිසියේ ප්‍රකාශකයකු පැවසුවේ.
මෙම අනතුර රාත්‍රී දහයත් එකොළහත් අතර පොළොන්නරුව මඩකලපුව ප්‍රධාන මාර්ගයේ ජාතික ප‍‍ශු සම්පත් මණ්ඩලයට අයත් ගොවිපළ ඉදිරිපිට දී සිදුව ඇති අතර හප්පා පලා ගිය වාහනය සහ පුද්ගලයින් සොයා පොළොන්නරුව පොලිසිය විමර්ශන ආරම්භ කර තිබේ.
