තානායමේදී පීසී ට බෝතලයක් කඩා පහරදුන් ත්‍රිරෝද රියදුරු අත්අඩංගුවට
හොරණ තානායම තුලදී බහින්බස්වීමක් දුර දිග ගොස් මත්පැන් බෝතලයක් කඩා සිදුකළ පහරදීමකින් කොස්තාපල්වරයෙකු තුවාල ලබා හොරණ රෝහලට ඇතුලත් කර තිබේ.
මොරගහහේන පොලිසියට අනුයුක්තව රාජකාරී කරමින් සිටි පොලිස් කොස්තාපල්වරයකු එලෙස තුවාල ලබා ඇති අතර පහරදීම සම්බන්ධයෙන් ත්‍රීරෝද රථ රියදුරකු අත්අඩංගුවට ගත් බව හොරණ පොලිසිය පැවසීය.
පොලිස් කොස්තාපල්වරයා ඊයේ (18) රාජකාරී විවේකය වාර්තාකර මත්පැන් පානය කිරීම සඳහා හොරණ තානායමට පැමිණ ඇති අතර එහිදී ඉහත සැකකරු සමග කිසියම් සිද්ධියකට බහින්බස් වීමක් ඇති කර ගෙන තිබේ.
ඉන් අනතුරුව පොලිස් සැරයන්වරයා එම ස්ථානයෙන් පිටවී යනවාත් සමගම සැකකරු බෝතලයක් කඩා කොස්තාපල්වරයාට ඉන් පහර දී තිබේ.
ප්‍රහාරයෙන් පොලිස් කොස්තාපල්වරයාගේ මුහුණට, හිසට සහ එක් අතකට තුවාල සිදුව ඇත.
පහරදීම සම්බන්ධයෙන් හොරණ ගල්ඓදණ්ඩ ප්‍රදේශයේ පදිංචිකරුවෙක් ඊයේ රාත්‍රියේම හොරණ පොලීසිය මඟින් අත්අඩංගුවට ගෙන ඇති අතර ඔහුව අධිකරණය හමුවට ඉදිරිපත් කිරීමට නියමිතය.