ඔස්කාර් සම්මාන උළෙලේ හොඳම නළුවා ඇඩ්‍රියන් බ්‍රෝඩි – හොඳම නිළිය මිකී මැඩිසන්
ඇමෙරිකාවේ ලොස් ඇන්ජලීස් නුවර පැවැත්වෙන 97 වැනි ඔස්කාර් සම්මාන උළෙලේ හොඳම නළුවා ලෙස ‘The Brutality’ චිත්රපටයේ රගපෑ ඒඩ්‍රියන් බ්‍රෝඩි ද හොඳම නිළිය ලෙස ‘Anora’ චිත්රපටයේ රගපෑ මිකී මැඩිසන් ද සම්මානය හිමි කර ගැනීමට සමත්විය.
මෙම සම්මානය ඒඩ්‍රියන් බ්‍රෝඩිගේ දෙවැනි ඔස්කාර් සම්මානය වන අතර, ඔහු මින් පෙර “The Pianist” හි රංගනය වෙනුවෙන්ද හොඳම නළුවාට හිමි සම්මානය හිමිකරගෙන තිබේ.
එමෙන්ම, මිකී මැඩිසන් ද පසුගිය වසරේ කෑන්ස් හි ‘පාම් ඩි’ඕර්’ සම්මානයද හිමිකර ගැනීමට සමත් වු අතර, මේ වසරේ BAFTA සහ Spirit සම්මාන උළෙලේදී හොඳම නිළියට හිමි සම්මානයද හිමිකරගත්තාය.
මෙවර ඔස්කාර් සම්මාන උළෙලේ හොඳම සහාය නළුවාට හිමි ඔස්කාර් සම්මානය කීරාන් කල්කින් ට හිමි විය. ඒ ඔහු රංගනයෙන් දායක වූ ‘A Real Pain’ විත්‍රපටිය වෙනුවෙනි.
හොඳම සහාය නිළිය සඳහා හිමි සම්මානය ‘Emilia Perez’ චිත්රපටයේ රංගනයෙන් දායක වූ සෝයි සල්ඩානාට ද හිමිවිය.
මෙවර ඔස්කාර් සම්මාන උළෙලේ හොඳම චිත්‍රපටය සඳහා සම්මානය අනෝරා චිත්‍රපටය දිනාගත් අතර එහි අධ්‍යක්ෂක ෂෝන් බේකර් හොඳම අධ්‍යක්ෂවරයා ලෙස සම්මානයට පාත්‍ර විය.
හොඳම තිර රචනය සහ හොඳම චිත්‍රපට සංස්කරණය සඳහා ද අනෝරා සම්මාන දෙකක් දිනා ගත්තේය.
