නිසාම් කාරියප්පර් පාර්ලිමේන්තු මන්ත්‍රී ධුරයේ දිවුරුම් දෙයි
සමගි ජන බලවේගයේ ජාතික ලැයිස්තු මන්ත්‍රී ධුරයක් හිමි වූ නිසාම් කාරියප්පර් මහතා අද (18) පාර්ලිමේන්තු මන්ත්‍රීවරයෙකු ලෙස කථානායක වෛද්‍ය ජගත් වික්‍රමරත්න මහතා ඉදිරියේ දිවුරුම් දුන්නේය.
මේ අතර, ඊයේ (17) දිනයේ දී ද සමගි ජන බලවේගය නියෝජනය කරමින් ජාතික ලැයිතු මන්ත්‍රීවරුන් ලෙස අර්ජුන සුජීව සේනසිංහ, මුහම්මදු ඉස්මායිල් මුත්තු මුහම්මදු සහ මනෝ ගනේෂන් යන මන්ත්‍රීවරුන් දිවුරුම් දුන්හ.
අනතුරුව නව ප්‍රජාතන්ත්‍රවාදී පෙරමුණේ ජාතික ලැයිස්තු මන්ත්‍රී ධුරය නියෝජනය කරමින් පාර්ලිමේන්තු වරම් ලැබූ ෆයිසර් මුස්තාපා මන්ත්‍රී ධුරයේ ඊයේ දිවුරුම් දෙනු ලැබීය.
