බ්‍රිතාන්‍යයේ සම්බාධක ගැන නාමල්ගෙන් X පණිවුඩයක්
මානව හිමිකම් චෝදනා ගැන කියමින් එක්සත් රාජධානිය පනවන සම්බාධක තරයේ හෙළාදකින බව පොදු ජන පෙරමුණේ පාර්ලිමේන්තු මන්ත්‍රී නාමල් රාජපක්ෂ මහතා X පණිවිඩයක් නිකුත් කරමින් පවසයි.
“සම්බාධක මානව හිමිකම් ආරක්ෂා කරමින් ඒකීය රටක සමගියෙන් ජීවත් වන්නට තම ජීවිත පවා අභියෝගයට ලක්කරමින් කටයුතු කළ රණවිරුවාට පමණි. එල්ටීටීඊ ත්‍රස්තවාදයට එරෙහිව කිසිදු සම්බාධකයක් නොමැත.
මෙය යුක්තිය නොව ඇතැම් බටහිර දේශපාලනඥයන් මුදල් හරහා බලපෑම් කරමින්, වරප්‍රසාද භුක්ති විඳිමින්, අපේ ජාතියේ සංහිඳියාව අවදානමට ලක්කරන බව පාර්ලිමේන්තු මන්ත්‍රීවරයා පෙන්වා දෙයි.
අද අප භුක්ති විඳින නිදහස දැඩි තීරණවලින් ලබාගත් එකක් බව උතුරේ සහ දකුණේ ජනතාව තේරුම් ගත යුතු බව පාර්ලිමේන්තු මන්ත්‍රී නාමල් රාජපක්ෂ මහතා සඳහන් කරයි.
මෙම සම්බාධක මගින් අපගේ හමුදාවන්ගේ චිත්ත ධෛර්යය පහත හෙළනු ඇති බවත් එවැනි තවත් අර්බුදයක් ඇති වුවහොත්, හමුදාවන්ට සටන් කිරීමට ධෛර්යයක් නොමැති විය හැකි බවත් මන්ත්‍රීවරයා සඳහන් කර තිබේ.
එමෙන්ම මෙම සම්බාධක පිටුපස සිටින පුද්ගලයින් දෙමළ ප්‍රජාවේ ආරක්ෂාව ගැන තැකීමක් නොකර බවද මන්ත්‍රීවරයා පෙන්වා දෙයි.
ප්‍රජාවන් අතර සංහිඳියාවට බාධා කිරීමට කිසි විටෙකත් කිසිවෙකුට ඉඩ නොදෙන බව මන්ත්‍රීවරයා මෙහිදී සඳහන් කරයි.
