පවුල් ආරවුලකට සැමියා බිරිඳ ඝාතනය කරයි
පවුල් ආරවුලක් හේතුවෙන් සැමියෙකු විසින් බිරිඳ කපා කොටා ඝාතනය කිරීමේ සිද්ධියක් රත්තොට පොලිස් වසමේ කයිකාවල ඉසුරුගම ප්‍රදේශයෙන් වාර්තා වේ.
මෙලෙස ඝාතනයට ලක්වූ බිරිඳ මාතලේ රෝහලේ කනිෂ්ඨ සේවිකාවක් ලෙස කටයුතු කල තැනැත්තියක් වන අතර, අපරාධය සිදුකළ සැමියා ද එම රෝහලේම කනිෂ්ඨ සේවකයෙක්.
පොලිසිය සඳහන් කළේ අද (22) අලුයම් කාලයේ මෙම ඝාතනය සිදුව ඇති බවයි.
ඝාතනය සිදුකිරීමෙන් පසු සැඟව සිටි සැකකාර සැමියා රත්තොට පොලිසිය විසින් අත්අඩංගුවට ගෙන ඇති බවයි වාර්තා වන්නේ.
සැකකාර සැමියාද තමන්ගේ ගෙළ පිහියකින් කපාගෙන තුවාල සිදුකරගෙන ඇති අතර, ඔහු පොලිස් ආරක්ෂාව යටතේ මාතලේ රෝහලේ ප්‍රතිකාර ලබන බවයි පොලිසිය වැඩිදුරටත් පැවසුවේ.
