කෝටිපති ව්‍යාපාරිකයා ජාතික ලැයිස්තු මන්ත්‍රී ධුරයක් ගන්න කෝටි 50ක් දීලා!
පසුගිය දිනෙක, විපක්ෂයේ ප්‍රධාන දේශපාලන පක්ෂ කාර්යාලයකට පැමිණි මෙරට ප්‍රධාන පෙළේ කෝටිපති ව්‍යාපාරිකයෙකු තමාට ජාතික ලැයිස්තු මන්ත්‍රී ධුරයක් දෙන බව පවසා පක්ෂයේ ප්‍රධානියකු කෝටි පනහක මුදලක් ලබාගෙන මන්ත්‍රී ධූරය නොදුන් බවට චෝදනා කරමින් එම සල්ලි වහා දෙන්නැයි ඉල්ලා කෑකෝ ගසමින් එහි කලබල කර ඇතැයි වාර්තාවේ.
මේ සිද්ධියෙන් එම කාර්යාලයේ දැඩි නොසන්සුන් තත්වයක් ඇතිවිණැයි පැවසේ.
ඔහු එම පක්ෂයේ හිටපු මන්ත්‍රීවරයකු හෝ ආසන සංවිධායකවරයෙකු හෝ නොවන නමුත් එම පක්ෂයේ ජාතික ලැයිස්තුවේ සිටියේය.
ව්‍යාපාරිකයා පක්ෂ කාර්යාලයට පැමිණ මේ සම්බන්ධයෙන් දැඩිව චෝදනා කළ අවස්ථාවේදී එහි සිටි නිලධාරීන් “ඔය ගැන අපි මොකුත් දන්නෙ නෑ. ඕක ඔබතුමා ඒ සල්ලි ගත්තු අයගෙන්ම බේර ගත්තොත් තමයි හොඳ” යනුවෙන් පවසා ඇතැයි දැනගන්නට ඇත.
අනතුරුව ව්‍යාපාරිකයා “මම ඕක බේරගන්නම්කෝ” යනුවෙන් පවසා එම ස්ථානයෙන් පිටව ගොස් ඇත.
ව්‍යාපාරිකයා මෙම චෝදනාව එල්ල කරන්නේ, එම පක්ෂයට බොහොම ළඟින් ක්‍රියාකාරීව සම්බන්ධව සිටින තවත් ධනපති ව්‍යාපාරිකයකුට බව එහි ආරංචි මාර්ග සඳහන් කළේය.
ව්‍යාපාරිකයාගේ මෙම කරුණු අනාවරණයත් සමඟ එම පක්ෂය තුළ දැඩි අර්බුදකාරී තත්වයක් මතුව ඇතැයි වාර්තාවේ.