මීගොඩ ඝාතනයට තවත් දෙදෙනෙක් අත්අඩංගුවට
මීගොඩ නාගහ වත්ත ප්‍රදේශයේදී සමෘද්ධි සහායකවරයෙකුට ටි 56 ගිනි අවියකින් වෙඩි තබා ඝාතනය කිරීමේ සිද්ධිය සම්බන්ධයෙන් මයියා හා පෙත්තා යන පුද්ගලයන් දෙදෙනා ඊයේ (23) අත්අඩංගුවට ගත්බව බස්නාහිර පළාත දකුණු දිසාව අපරාධ කොට්ඨාසය කියයි.
එම පුද්ගලයන් දෙදෙනා අතර ගීත ගායනා කරන්නෙකුද වන බව පොලිසිය කියයි.
ඔවුන්ගෙන් ප්‍රශ්න කිරීමේදී අනාවරණ වූ තොරතුරු අනුව මිලි මිටර් 9 වර්ගයේ පිස්තෝල අවියක් හා ජීව පතරොම් 10 ක් මෙන්ම පතරොම් ගැබක් මිගොඩ කුරුඳුවත්ත පාරේ පින් ළිඳ අසල ඕවිටක ඉවුරේ සඟවා තිබියදී පොලිසිය මගින් සොයාගෙන තිබේ.
මේ වන විට එම ඝාතනය සම්බන්ධයෙන් වෙඩික්කරු පැදිකරු ඇතුළුපුද්ගලයන් 5 දෙනෙකු අත්අඩංගුවට ගෙන අධිකරණයට ඉදිරිපත් කර ලබාගත් රැඳවුම් නියෝග මත සිදුකළ විමර්ශනයේදී එම අපරාධයට ආධාර අනුබලදීම කුමන්ත්‍රණය කිරීම යන වැරදි සම්බන්ධයෙන් මෙම සැකකරුවන් දෙදෙනා මීගොඩ කුරුඳුවත්ත ප්‍රදේශයේ ඔවුන්ගේ නිවෙස් වලදී අත්අඩංගුවට ගෙන ප්‍රශ්න කිරීමේදී පිස්තෝල ගිණි අවිය සම්බන්ධයෙන් තොරතුරු අනාවරණය වූ බව පොලිසිය කියයි
අත්අඩංගුවට ගත් මයියා යන පුද්ගලයාගෙන් සිදුකළ ප්‍රශ්න කිරීමේදී සමෘද්ධි සායකයාගේ ඝාතනය මෙහෙය වූ නිරාන් සඳකැලුම් නොහොත් පොඩි දනා යන අය විසින් මෙම ගිනි අවිය සඟවා තබන ලෙස තමන්ට ලබා දුන් බවට සැකකරුගෙන් ප්‍රශ්න කිරීමේදී අනාවරණය වූ බව පොලිසිය කියයි
සමෘද්ධි සහයකයා ඝාතනය සම්බන්ධයෙන් හඳුනාගෙන සිටින නිරාන් සඳකළුම් නොහොත් පොඩි දනා නමැත්තා සහ අනෙක් සැකකරුවන් අත්අඩංගුවට ගැනීම සඳහා වැඩිදුර විමර්ශන කටයුතු සිදු කරන බව පොලිසිය පවසයි.