දවසේ ලග්න පලාපල – 2024 නොවැම්බර් මස 11 වන සඳුදා

මේෂ

ක්‍රියාශීලී දිනකි. ගමන් බිමන්ද යෙදේ. අවිවේකී බවක් ගෙන දෙයි. ආගමික වතාවත් ගරු කරන අතර සමාජ සත්කාරක ක්‍රියාවන්හි යෙදේ. රාජකාරි ද බහුල දිනකි. සෙම් රෝග උෂ්ණ රෝග මතු කරයි.

වෘෂභ

මිශ්‍ර ඵල දෙයි. ලැබීම් අතින් තරමක් යහපත් බවක් පෙනේ. තම ඥාතීන්ගේ අවශ්‍යතා මත වැයපස ද ඉහළ යයි. සම්මුඛ සාකච්ඡාවලට ශුභයි. තනතුරු ලාභ ලබයි. හදිසි ලාභ සත්කාර දෙයි. මුත්‍රා ආසාදන රෝග දෙයි.

මිථුන

අවිවේකී බවක් දෙයි. රාජකාරි ස්ථාන ලද තරමක් අවුල් සහගත බවක් දෙයි. දේපළ පිළිබඳ ගැටලුවක් සුභවාදීව විසඳේ. ඇසුරු කරන්නන් නිසා සිත් නොසන්සුන් වීමට හේතුයි. වැය පස ඉහළයි. යටපත් වූ රෝග ද ඉස්මතු වෙයි.

කටක

රාජකාරි උනන්දුවෙන් ඉටු කරයි. උත්සව සාද වැනි දේවලට හේතුයි. ළඟම ඥාතීන් නිසා මිල මුදල් වැය කිරීමට සිදු වෙයි. නව නිර්මාණ ඇරඹීමට ශුභයි. හදිසි ධන ලාභ ගෙන දෙයි. ශිරෝ රෝග උෂ්ණ රෝග මතු කරයි.

සිංහ

ශුභා ශුභ ඵල මතු කරයි. කරගෙන පැමිණි ව්‍යාපාරවල හැලහැප්පීම් මතු කරයි. නමුත් ඉවසීමෙන් ක්‍රියා කළ යුතු දිනකි. සමාජ සත්කාරක ක්‍රියාවලද යෙදේ. වාතාධික රෝග ද මතු කරයි.

කන්‍යා

ශුභා ශුභ ඵල මතු කරයි. තරමක් පීඩා කිරීම දැනේ. ව්‍යාපාරවල තරමක ප්‍රගතියකට හේතු ගෙන දෙයි. තම ඥාතීන් වෙනුවෙන් පොදු සේවා කටයුතු වෙනුවෙන් වැය පස ඉහළ යයි. හෘද ආබාධ දෙයි.

තුලා

අවිවේකී දිනකි. ක්‍රියාකාරීවල ද පැටලිලි ස්වරූප මතු කරයි. මනසට අවිවේකය ගෙන දෙන අතර කෙටි ගමන් බිමන් ද යෙදේ. වැය පසද ඉහළ යයි. සෙම් කෝප රෝග මතු වෙයි. රාජකාරි බහුලවෙයි.

වෘශ්චික

සාමාන්‍ය ලෙසින් දවස ගෙවන අතර තම සැලසුම් ක්‍රියා කිරීමට නොහැකි වෙයි. ළඟම ඥාතියකු වෙනුවෙන් තරමක් මිල මුදල් වැය කිරීමට සිදුවෙයි. පෙනහලු ආසාදන රෝග මතු කරයි. වෙහෙස ගෙන දෙයි.

ධනු

ප්‍රීති උත්සව සාද වැනි දේවලට සහභාගි වීමේ අවස්ථා යෙදේ. අලංකාර කටයුතු සඳහා විය පැහැදම් අධික වෙයි. ආගමික චාරිත්‍ර ගරු කරන දිනකි. හදිසි ධන ලාභ ලබයි. ආහාර විෂවීම්වලට හේතුයි.

මකර

ශුභා ශුභ මිශ්‍ර ඵල දෙයි. දුරස්ථව සිටි ඥාතීන් සමීප වෙයි. තරමක් ආත්මාර්ත ගති මතුවෙයි. ආගමික චාරිත්‍ර දාන ශිලාදී ගුණධර්මවලට ගරු කරයි. අවිවේකී බව දෙයි. හදිසි රෝග කැපුම් කෙටුම් යෙදේ.

කුම්භ

ක්‍රියාකාරී දිනකි. නමුත් අවිවේකය ඇති වෙයි. ප්‍රීති උත්සව සුහදතා වර්ධන කරන ක්‍රියා ආදියෙහි යෙදේ. ඇසුරින් දුරස්ථ ඥාති මිත්‍රාදීන් සමීප වෙයි. තෘප්තිමත්ව ක්‍රියා කරයි. ස්නායු ගත රෝග මතු කරයි.

මීන

සැහැල්ලුවෙන් දවස ගෙවයි. දහමට අවතීර්ණව අධ්‍යාත්මික ගුණ කෙරෙහි අවධානයෙන් සිටිය යුතුය. පදිංචියේ වෙනසකට ක්‍රියා කරයි. හදිසි ධන ලාභ ද ලබයි. වාතාධික රෝග මතු කරයි.