දවසේ ලග්න පලාපල – 2024 අගෝස්තු මස 08 වන බ්‍රහස්පතින්දා
රාහු කාලය
1:49 pm – 3:22 pm
සුභ දිශාව
උතුර
මරු සිටින දිශාව
දකුණ
මේෂ
ශුභාශුභ මිශ්‍රඵල උදා කරයි. දුරගමන් යෙදේ. උත්සව, සාද වැනි දේවල් ද යෙදේ. තරමක් වැයපස ඉහළ යන දිනකි. තම ඥාති මිත්‍රාදීන් ඒකරාශීව ක්‍රියා කරයි. සෙම් රෝග බහුල වන දිනකි.
වෘෂභ
හදිසි තීරණ මත ක්‍රියා කිරීම ශුභවාදී නොවන දිනකි. දුරගමන්වලට හේතුයි. මංගල සාද වැනි දේවල්වලට හේතුයි. නවක මිතුදම් ඇතිවෙයි. වැයපස නොහිතන ලෙස ඉහළ යයි. සිරසගත රෝගවලට හේතුයි.
මිථුන
ප්‍රීති උත්සව, මංගල සාද වැනි දේවල් යෙදෙන, අලංකාර දේ සඳහා වැයපස ඉහළ යන දිනකි. නව නිපැයුම් ඇරඹීමට ශුභයි. උගතුන්, වියතුන් ඇසුරට පත්වෙයි. මහජන ප්‍රසාදයට පත්වෙයි. හෘදයාබාධ, වාත රෝග මතුවේ.
කටක
ගමන් බිමන් බහුලයි. දුරගමන් විනෝද ගමන් යෙදේ. ඥාති මිත්‍රාදීන් ඒකරාශිව ක්‍රියා කරයි. මංගල සාද වැනි දේවල්වලට හේතුයි. ඇසුරුකරන්නන් අතර ප්‍රසාදය දිනයි. ශිරෝ රෝග, උෂ්ණ රෝග දෙයි.
සිංහ
විනෝදයෙන් දවස ගෙවයි. ප්‍රීති සාදවලට සහභාගි වීමේ අවස්ථා යෙදේ. නවක මිතුදම්, ප්‍රේම සබඳතා වැනි දේවලට හේතුයි. වියපැහැදම් අධික වන අතර ණයතුරුස් වීමට ද හේතුයි. හන්දි ප්‍රදාහ රෝග සාදයි.
කන්‍යා
ශුභඵල දෙයි. තුරඟ තරග ජයගනී. විනෝද ගමන්, වන්දනා ගමන් වැනි දේවලට සහභාගි වීමේ අවස්ථා ද යෙදේ. දහමට ළැදිව ක්‍රියා කරයි. තම ඥාතීන් අතර කැපී පෙනෙන චරිතයකි. සිරසගත රෝග මතුකරයි.
තුලා
ශුභාශුභ මිශ්‍රඵලදායක වෙයි. ප්‍රීති සාද වැනි දේවලට සහභාගි වෙයි. නවක මිතුදම් මත ක්‍රියා කරයි. තරමක් මනසට අවිවේකය මතුකරයි. කතාවේදී, ක්‍රියාවේදී දෙවරක් සිතා බැලීම මැනවි. ආමාශගත රෝග මතුවේ.
වෘශ්චික
ශුභාශුභ ඵල දරයි. සුහදතා වර්ධන ක්‍රියාවන්හි යෙදෙන අතර තම අරමුණු ජය ගනී. ආගමික වතාවත් ගරුකර ක්‍රියා කරයි. නව යාන වාහන මිලට ගැනීමකට, විකිණීමකට හේතුයි. ඉදිමුම් රෝග, මුත්‍රා ආසාදන රෝග සාදයි.
ධනු
ශුභවාදී ඵල මතුකරයි. රාජකාරි බහුල වෙයි. අවිවේකී දිනකි. අතපසුවීම්වලට හේතුයි. තම අවශ්‍යතා යටපත් වෙයි. නවක මිතුදම් ඇතිවෙයි. තරමක් වැයපස අධික දිනකි. සිරසගත රෝග වර්ධනය වෙයි.
මකර
ශුභවාදී ඵල මතුකරයි. ගමන් බිමන් බහුල දිනකි. තරමක් වැයපස ද ඉහළ යයි. ප්‍රේම සබඳතා වර්ධනය වෙයි. රාජකාරි ස්ථානවල බාධා ඉවත් වෙයි. යටපත්ව තිබූ රෝග ඉස්මතු වෙයි.
කුම්භ
ශුභාශුභ මිශ්‍රඵල මතුකරයි. ප්‍රීති උත්සව, සුහදතා වර්ධන ක්‍රියා ආදියෙහි යෙදේ. රැකියාවේ උසස්වීම් වැනි දේට හේතුයි. ව්‍යාපාරවල දියුණුවක් පෙනේ. ශරීර අභ්‍යන්තර ඉන්ද්‍රියන්හි රෝගවලට හේතුයි.
මීන
ශුභවාදී ඵල මතුකරයි. සුහදතා වර්ධන කටයුතු ආදියෙහි යෙදේ. විනෝදජනක කටයුතුවල ද යෙදේ. වැයපස ඉහළ යයි. දහමට ළැදිව ක්‍රියා කරන දිනකි. ආමාශගත රෝග සාදයි. ප්‍රීති සාදවලට හේතුයි.