දවසේ ලග්න පලාපල – 2024 නොවැම්බර් මස 06 වන බදාදා

මේෂ

ක්‍රියාකාරී දිනකි. හදිසි ලැබීම්වලට හිමිකම් ලබයි. තම ඥාති මිත්‍රාදීන් අතර ප්‍රධාන වෙයි. ආගමික වතාවත් ගරුකර ක්‍රියා කරයි. තම රැකියාවන්හි උසස්වීමකට හේතු ඇතිවෙයි. ශිරෝ රෝග, උගුරේ අමාරු මතුකරයි.

වෘෂභ

අවිවේකී දිනකි. රැකියා ලාභ ලබයි. නීතිමය ගැටලු මගින් ජය ලබයි. නිතර යන එන ගමන් පිළිබඳ සැලකිලිමත් වීම ද මැනවි. උත්සව, සාද වැනි දේවල්වලට ද හේතු ගෙනදෙයි. සන්ධි වේදනා, තුනටියේ අමාරු දේ.

මිථුන

රැකියා ස්ථානවල පැවැති බාධා ඉවත් වෙයි. තරමක් වගකීම් බහුල වන දිනකි. නොගැළපෙන ඇසුර නිසා තම නමට කැළැලක් වීමට ඉඩ තිබේ. ආරංචි පමණින් කලබල වී තීරණ ගැනීම ශුභ නොවේ. බඩවැල් ආශ්‍රිත රෝග මතුවේ.

කටක

අලුත් රැකියා බලාපොරොත්තුවූවන්ට ජය දෙයි. තම ළඟම ඥාතීන් සමග දහමට ළැදිව ක්‍රියා කරයි. උත්සව, සාද වැනි දේවලට ද හේතුයි. තරමක් වැයපස ඉහළ යයි. අමතර ලාභ ද ලබයි. සෙම් ආසාදන රෝග ද මතුකරයි.

සිංහ

නව නිර්මාණකරණයට හේතුයි. දහමට අනුකූලව ක්‍රියා කරයි. ලිපි ලේඛන කලාවෙන් ජය දෙයි. නවක මිතුදම් ඇතිවෙයි. ව්‍යාපාරවල දියුණුවට හේතුයි. හදිසි ධන ලාභ ගෙනදෙයි. සෙම් රෝග, උගුර ආශ්‍රිත රෝග මතුවේ.

කන්‍යා

රැකියා ස්ථානවල ප්‍රසාදය දිනයි. සතුරු බලපෑම් ධමනය වෙයි. තත්ත්වයේ උසස්වීමකට හේතුයි. විදෙස්ගත රැකියා ලාභ ලබයි. විනෝද ගමන් වැනි දේවලට හේතු වන දිනකි. ප්‍රමේහ රෝග, නහර වේදනා මතුකරයි.

තුලා

ක්‍රියාකාරකම් බහුල වෙයි. අවිවේකී බව මත තරමක් ආවේග මතුකරයි. ඉවසීම ප්‍රගුණ කළ යුතු දිනකි. තම ව්‍යාපාරවල පැහැදිලි දියුණුවකට හේතුයි. අමතර ලාභ ලැබීම් ගෙනදෙයි. බඩවැල් ආශ්‍රිත රෝග මතුවෙයි.

වෘශ්චික

තම වෙළෙඳ ව්‍යාපාරවල දියුණුවක් පෙනේ. තමන් පසුපස ලුහුබැඳි සතුරු බලපෑම් දමනය වෙයි. රාජකාරී ස්ථානවල ප්‍රධාන වෙයි. දහමට ද ළැදිව ක්‍රියා කරයි. මෞත්‍ර ලිංගික පද්ධතියේ රෝග මතුකරයි.

ධනු

තරමක් අවිවේකී දිනකි. පොදු සේවා කටයුතුවල නිරත වෙයි. ප්‍රීති සාද, උත්සව වැනි දේවලට ද හේතුයි. විනෝදජනක ක්‍රියාවන්හි යෙදේ. වැයපස ද ඉහළ යයි. අමතර ලාභ ද ලබයි. ඉදිමුම් රෝග, සන්ධි රෝග මතුවේ.

මකර

අවිවේකී බව ගෙනදෙයි. තම ඥාතීන්ගේ අවශ්‍යතා මත ක්‍රියාකරයි. මිල මුදල් ද බලාපොරොත්තු රහිත ලෙස වැයවෙයි. තරමක් ණය වීමට ද ඉඩ තිබේ. රැවටිලිවලට හසුවීමට ඉඩ තිබේ. සන්ධි ඉදිමුම් රෝග මතුවේ.

කුම්භ

ක්‍රියාකාරී දිනකි. අතපසු වැඩ ඉදිරියට කරගෙන යෑමේ ශක්තිය ඇතිවේ. ප්‍රීති උත්සව, සාද වැනි දේවලට සහභාගිවීමේ අවස්ථා යෙදේ. අලංකාරකරණයට වැයපස ඉහළ යයි. තෘප්තිමත් දිනකි. අම්ලපිත්ත රෝග මතුකරයි.

මීන

ක්‍රියාකාරී දිනකි. තම ව්‍යාපාරවල පැහැදිලි දියුණුවක් ඇතිවෙයි. ප්‍රීති සාද යෙදේ. නවක මිතුදම් ඇතිවෙයි. නව නිර්මාණ ඇරඹීමට හේතුයි. මහජන ප්‍රසාදයට පත්වන කරුණු යෙදේ. හදිසි රෝග වැනි දේවලට හේතුයි.