යාපනය බන්ධනාගාරයේ රැඳවියෙක් හදිසියේ මරුට
යාපනය බන්ධනාගාරයේ රැදවියකු හදිසියේ ඇතිවූ රෝගී තත්වයක් හේතුවෙන් මියගොස් ඇතැයි යාපනය පොලිසිය පවසයි.
එලෙස මියගොස් ඇත්තේ, මූල්‍ය වංචාවක් සම්බන්ධයෙන් සැකපිට අත්අඩංගුවට ගෙන රිමාන්ඩ් බන්ධනාගාර ගතව සිටි අයකු බවයි, පොලිසිය පැවසුවේ.
හුස්ම ගැනීමේ අපහසුතාවක් පිළිබඳ රැදවියා කිහිපවරක් බන්ධනාගාර නියාමකවරුන් වෙත දන්වා ඇති අතර පසුව ඔහු යාපනය ශික්ෂණ රෝහලට ඇතුලත් කිරීමේදී මියගොස් ඇති බව පොලිසිය සඳහන් කළේය.