සෞඛ්‍ය අමාත්‍යාංශයේ අමුතු පුද්ගලයෙක්
සෞඛ්‍ය අමාත්‍යංශයේ වෛද්‍යවරුන්ගේ පෞද්ගලික ලිපිගොනු පරීක්ෂා කරමින් ඔවුන්ගේ ස්ථාන මාරු වලට මැදිහත් වන වෛද්‍යවරයකු හෝ සෞඛ්‍ය සේවකයකු නොවන පුද්ගලයකුගෙන් අපරාධ පරීක්ෂණ දෙපාර්තමේන්තුව ප්‍රශ්න කර තිබෙනවා.
වෛද්‍යවරුන්ගෙන් ලැබුණු පැමිණිලි කිහිපයකට අනුව අද (20) සෞඛ්‍ය අමාත්‍යංශයට පැමිණි අපරාධ පරීක්ෂණ දෙපාර්තමේන්තු නිලධාරීන් පැය 03කට අධික කාලයක් මෙම පුද්ගලයාගෙන් ප්‍රශ්න කර තිබුණා.
එහිදී අනාවරණය වී ඇත්තේ ඔහු වසර 10කට ආසන්න කාලයක් මෙලෙස වෛද්‍යවරුන්ගේ රාජකාරි කටයුතු වලට මැදිහත් වී ඇති බවයි.
ඔහුට සෞඛ්‍ය අමාත්‍යංශයේ වෙනම රාජකාරි කාමරයක්ද ඇති බවත්, මේ පිළිබඳව ඉදිරියේදී අමාත්‍යංශ බලධාරීන්ගෙන් ප්‍රශ්න කිරීමට නියමිත බවත් අපරාධ පරීක්ෂණ දෙපාර්තමේන්තු ආරංචි මාර්ග සඳහන් කළා.
