රුපියල් මි. 75 ක කේරළ ගංජා උතුරු මුහුදෙන් අල්ලයි
ශ්‍රී ලංකා නාවික හමුදාව අද (04) අළුයම යාපනය ගුරුනගර් ප්‍රදේශයට ඔබ්බෙන් වූ මුහුදේ සිදුකළ විශේෂ සෝදිසි මෙහෙයුමකදී කේරළ ගංජා කිලෝ 188යි ග්‍රෑම් 350ක තොගයක් රැගත් ඩිංගි යාත්‍රාවක් සිය භාරයට ගෙන තිබේ.
උතුරු නාවික විධානයේ ශ්‍රී ලංකා නාවික නෞකා වේළුසුමන ආයතනය විසින් සිදුකළ විශේෂ සෝදිසි මෙහෙයුමකදී මෙම යාත්‍රාව පරීක්‍ෂා කර ඇත.
එහිදී ගමන් මලු හතක මෙම කේරළ ගංජා තොගය තිබී ඇති අතර, එම තොගයේ වටිනාකම රුපියල් මිලියන 75කට අධික බව නාවික හමුදාව පවසයි.
නාවික හමුදා භාරයට ගත් කේරළ ගංජා තොගය හා ඩිංගි යාත්‍රාව ඉදිරි නීතිමය හා විමර්ශන කටයුතු සඳහා යාපනය පොලිස් ස්ථානය වෙත භාරදී තිබේ.