වි‍දෙස් කාන්තාවක් දියේ ගිලී මරුට
වැලිගම පොලිස් වසමේ මිරිස්ස මුහුදේ දිය නෑමට ගොස් සිටි කොරියානු ජාතික කාන්තාවක් දියේ ගිලී ජීවිතක්ෂයට පත්ව ඇතැයි වැලිගම පොලිසිය පවසයි.
ඊයේ (13) සවස් කාලයේදී එම අනතුර සිදුව ඇති අතර මෙසේ මියගොස් ඇත්තේ, 37 හැවිරිදි දකුණු කොරියානු ජාතික කාන්තාවකි.
මෙම කාන්තාව දිය වැලකට හසුව ගසාගෙන යමින් සිටි අවස්ථාවේදී වෙරළ ආරක්ෂක බළකාල ජීවිතාරක්ෂක නිලධාරීන් විසින් ඇය ගොඩට ගෙන මාතර රෝහලට ඇතුළත් කර ඇති අතර ඒ වන විටත් ඇය මියගොස් සිට තිබේ.
සිද්ධිය සම්බන්ධයෙන් වැලිගම පොලීසිය විසින් වැඩිදුර විමර්ශන ක්‍රියාත්මක කරයි.