අහසේදී ගිනිගත් ගුවන් යානය – සිදුවෙන්නට ගිය මහා විනාශයක් නූලෙන් වැළකුණු හැටි – video
ඇමරිකානු ෆෙඩෙක්ස් සමාගමට අයත් භාණ්ඩ ප්‍රවාහන ගුවන් යානයක හටගත් ගින්නක් හේතුවෙන් එම යානය හදිසි ගොඩබෑමකට ලක්කර තිබෙනවා.
අමෙරිකාවේ නිව් ජර්සි ප්‍රාන්තයේ නෙවෝක් ලිබර්ටි ජාත්‍යන්තර ගුවන්තොටුපොළින් ගමන් ආරම්භ කළ යානය ගුවන් ගත කර සුළු වේලාවකින් ගින්න හටගෙන ඇති බව වාර්තා වේ.
ඇති වූ ගින්න පිළිබඳව ගුවන්තොටුපොළ බලධාරීන් දැනුවත් කර ඇති යානයේ නියමුවන් එය යළිත් ලිබර්ටි ජාත්‍යන්තර ගුවන්තොටුපොළ වෙත ගොඩබස්සවා තිබෙනවා.
සිද්ධිය වූ අවස්ථාවේ යානය තුළ පුද්ගලයින් තිදෙනෙකු සිට ඇති නමුත් ඉන් කිසිවෙකුටත් අනතුරක් සිදුව නැත.
යානය ගුවන් ගත කිරීමේ දී එහි එන්ජිමක කුරුල්ලන් ගැටීමෙන් ගින්න හටගෙන ඇති බව අනාවරණය වී තිබේ.
