නූපේ මල් සැරසිලි ආයතනයක විශාල ගින්නක්
මාතර නූපේ මල් සැරසිලි ආයතනයක අද (24) අලුයම 3.00 ට පමණ ඇති වු ගින්න මේ වන විට පාලනය කර ඇති බව මාතර පොලීසිය පවසයි.
පැය හතරකට වැඩි කාලයක් පැවති එම ගීන්න හේතුවෙන් මාතර ගාලු පාරේ කොටසක් ද තාවකාලිකව වසා දැමීමට සිදු වූ බවයි පැවසෙන්නේ.
අදාල ආයතනයේ රථ ගාලේ තිබු ලොරි තුනක් ද ගින්නෙන් මුලුමනින්ම විනාශ වී තිබේ.
ගින්න නිවීමට මාතර මහ නගර සභා ගිනි නිවීමේ ඒකකයට අමතරව ගාල්ලේ සිට ගිනි නිවීමේ රථ දෙකක් ද ගෙන්වා ගැනීමට සිදු විය.
මෙම ගින්න හේතුවෙන් රුපියල් කෝටි ගණනක දැවැන්ත අලාභ හානීයක් සිදු වී තිබෙන බවයි පැවසෙන්නේ.
