ශ්‍රී ලංකාවට එරෙහි ඕස්ට්‍රේලියානු ටෙස්ට් සංචිතය නම් කෙරේ
ශ්‍රී ලංකා කණ්ඩායම සමග එළැඹෙන 29 වනදා ගාල්ල ජාත්‍යන්තර ක්‍රිකට් ක්‍රීඩාංගනයේදී පැවැත්වීමට නියමිත ටෙස්ට් ක්‍රිකට් තරගාවලිය සදහා සහභාගී වන ඕස්ට්‍රේලියානු සංචිතය අද (09) ප්‍රකාශයට පත් කර තිබේ.
ස්ටීවන් ස්මිත්ගේ නායකත්වයෙන් යුත් මෙම සංචිතයට ක්‍රීඩකයන් 16 දෙනෙකු නම්කර ඇති අතර ඉන්දියාව සමග පැවති තරගාවලිය නියෝජනය කළ ප්‍රබල ක්‍රීඩකයින් කිහිප දෙනෙකු මෙම තරගාවලියට සහභාගී නොවීම විශේෂත්වයක්.
ඒ අනුව, ඕස්ට්‍රේලියානු නායක පැට් කමින්ස්, ජෝශ් හේසල්වුඩ් සහ මිචෙල් මාෂ් එම සංචිතයට ඇතුලත්ව නැහැ.
කෙසේවෙතත්, මෙම සංචිතයට නව ක්‍රීඩකයන් කිහිප දෙනෙකුම කැඳවා තිබීම විශේෂත්වයක්.
ශ්‍රී ලංකාවට එරෙහි ඔස්ට්‍රේලියානු සංචිතය
ස්ටීවන් ස්මිත්, ෂෝන් ඇබට්, ස්කොට් බෝලන්ඩ්, ඇලෙක්ස් කේරි, කූපර් කොනොලි, ට්‍රැවිස් හෙඩ්, ජොෂ් ඉන්ග්ලිස්, උස්මාන් කවාජා, සෑම් කොන්ස්ටාස්, මැට් කුහ්නමන්, මාන්ස් ලැබුෂේන්, නේතන් ලියොන්, නේතන් මැක්ස්වීනි, ටොඩ් මර්ෆි, මිචෙල් ස්ටාර්ක්, බියු වෙබ්ස්ටර්