ඇල්ටෝ ධර්මෙගේ ගෝලයන් දෙදෙනෙක් අත්අඩංගුවට

මහා පරිමාණ මත්ද්‍රව්‍ය ජාවාරම් කරුවෙකු හා සංවිධානාත්මක අපරාධ කරුවෙකු වන දැනට ඩුබායි රාජ්‍යයේ සැගවී සිටින ඇල්ටෝ ධර්මෙගේ මෙරට මත්ද්‍රව්‍ය ජාලය මෙහෙයවන කාන්තාවක් සහ පුද්ගලයකු ලක්ෂ 25 ක හෙරොයින් සමග අත්අඩංගුවට ගෙන තිබෙනවා.

විශේෂ කාර්ය බලකාය විශේෂ මෙහෙයුම් ඒකකය II හි ස්ථානාධිපති පොලිස් පරීක්ෂක සී.ආර්. පාරමුල්ලගේ ඇතුළු නිලධාරීන් කණ්ඩායමක් විසින් මල්වතුහිරිපිටිය පොලිස් වසමේ අංක 44, උතුරු බුත්පිටිය, බුත්පිටිය ලිපිනයේ සිදු කළ වැටලීමක දී මොවුන් අත්අඩංගුවට පත්ව තිබේ.

වයස අවුරුදු 36ක කාන්තාවක් සහ වයස අවුරුදු 44 ක පුද්ගලයෙකුයි මෙලෙස අත්අඩංගුවට ගෙන ඇත්තේ.

ඔවුන් සතුව තිබී ලක්ෂ 25 ක් පමණ වටිනාකමින් යුත් හෙරොයින් ග්‍රෑම් 94 ක් හා ජංගම දුරකථන 02 ක් පොලිස් මත්ද්‍රව්‍ය නාශක කාර්යංශ භාරයට ගෙන තිබෙනවා.