ගාල්තැන්න කපුවාගේ තවත් සුපිරි ජීප් රථයක් සොයාගනී
ගාල්තැන්න ප්‍රදේශයේ සුප්‍රසිද්ධ දේවාලයක කපුවකු සන්තකයේ තිබූ සැකකටයුතු සුඛෝපභෝගී ජීප් රථයක් අත්අඩංගුවට ගත් බව තෙල්දෙණිය කොට්ඨාස අපරාධ විමර්ශන ඒකකය කියයි.
තෙල්දෙණිය කොට්ඨාස භාර ජ්‍යෙෂ්ඨ පොලිස් අධිකාරි රොෂාන් අමරසිංහ මහතාගේ උපදෙස් පරිදි විශේෂ පොලිස් විමර්ශකයන් පිරිසක් අද ගාල්තැන්න දේවාලයට ගොස් එම ජීප් රථය අත්අඩංගුවට ගෙන ඇති අතර පොලිස් කණ්ඩායම එහි යන විට ජීප් රථයේ බැටරි ගලවා එය පණ ගැන්විය නොහැකි ආකාරයට පත්කොට තිබූ බවද පොලිසිය පවසයි.
පොලිසිය පවසන ආකාරයට එම සැක කටයුතු ජීප් රථය සම්බන්ධයෙන් සිදුකළ දීර්ඝ කාලීන විමර්ශනයකින් අනතුරුව අනාවරණය කරගෙන ඇත්තේ එය කූඪ ලේඛන උපයෝගී කරගනිමින් ලියාපදිංචි කොට ඇති ජීප් රථයක් බවටයි.
