කරන්දෙණිය සුද්දාගේ ගෝලයන් තුන්දෙනෙක් අත්අඩංගුවට
සංවිධානාත්මක අපරාධකරුවකු වන කරන්දෙණියේ සුද්දාගේ ගෝලයන් තුන් දෙනෙකු අත්අඩංගුවට ගෙන තිබෙනවා.
විශේෂ කාර්ය බලකාය ගෝනපීනු වල ප්‍රදේශයේදී මෙම වැටලීම සිදුකර තිබෙනවා.
ඔවුන් ළඟ තිබී ස්වයංක්‍රීය පිස්තෝලයක්, කඩු තුනක්,හෙරොයින් ග්‍රෑම් 16 ක් ඇතුලු මත්ද්‍රව්‍ය තොගයක් සොයා ගැනීමට හැකි වුණා.
අත්අඩංගුවට ගත් එක් සැකකරුවකු මීට පෙරද ගිනි අවියක් හා මත්ද්‍රව්‍ය ළඟ තබා ගැනීමේ චෝදනාවට වරදකරු වී ඇති බවයි විශේෂ කාර්ය බලකාය සඳහන් කළේ.
තවත් සැකකරුවකු පුද්ගලයකු ඝාතනය කිරීම සම්බන්ධයෙන් චෝදනා ලැබ සිටින පුද්ගලයෙකු බවට විමර්වශන වලදී තහවුරු වුණා.