කෝටියකට අධික මුදල් සහ අයිස් සමග දෙදෙනෙක් අත්අඩංගුවට
අයිස් මත්ද්‍රව්‍ය කිලෝ 3කට අධික ප්‍රමාණයක් සමග පුද්ගලයින් දෙදෙනෙකු අත්අඩංගුවට ගෙන තිබෙනවා.
ඒ දොම්පේ සහ කඩවත ගෝනහේන ප්‍රදේශයේ සිදුකළ වැටලීම් දෙකකදීයි .
ඔවුන් සන්තකයේ තිබී මුදලින් රුපියල් එක් කෝටි දස ලක්ෂයක් , ජංගම දුරකථන සහ මෝටර් රථයක් පොලිස් මත්ද්‍රව්‍ය කාර්යාංශය භාරයට ගෙන තිබෙනවා.
අත්අඩංගුවට ගත් සැකකරුව 29 සහ 39 යන වයස්වල පසුවන්නන් වන අතර ඔවුන් ඩුබායි හි සඟවා සිටින මහා පරිමාණ මත්ද්‍රව්‍ය ජාවාරම්කරුවෙකුගේ සමීපතමයින් බවයි පොලිසිය පැවසුවේ