ගිනි අවි රැගෙන පෙම්වතිය පැහැර ගන්න ඇවිත් මාට්ටු
වලස්මුල්ල පොලිස් වසමට අයත් වත්තහේන්ගොඩ ප්‍රදේශයේ ලදු කැලෑවක ගිනිඅවි සහ උල්පිහි රැගෙන සැගවී සිටි 22 හැවිරිදි තරුණයෙකු වලස්මුල්ල පොලිසිය විසින් අත්අඩංගුවට ගෙන තිබේ.
පොලිසිය පවසුවේ, අදාළ සැකකරු විසින් ඔහු සැඟවී සිටි ලදු කැලෑව අසල නිවසක පදිංචි 21 හැවිරිදි තරුණියක් බලහත්කාරයෙන් පැහැරගෙන යාම සඳහා පැමිණ මෙලෙස සැඟව සිට ඇති බවට කරුණු අනාවරණය වූ බවයි.
තරුණිය සැකකරු සමග වසරක පමණ කාලයක් පෙම් සබදතාවයක් පවත්වා ඇති අතර මේ වනවිට ඇය එය නවත්වා දමා ඇති බවත් පොලිසිය පවසයි.
අත්අඩංගුවට ගත් සැකකරු දෙනියාය, යාපිටකන්ද ප්‍රදේශයේ පදිංචිකරුවෙකි.
ඔහු ලග තිබී බෙහෙත් කොටන වර්ගයේ ගල්කටස් ගිනිඅවි දෙකක් උල්පිහි දෙකක් බෙහෙත් කොටන කූරු දෙකක් වෙඩි බෙහෙත් ගිණිපෙට්ටි සහිත කප් එකක් සොයාගත් බව පොලිසිය පවසයි.
.