අටළුගම අනතුරකින් අයෙක් රෝහලට – දුරකථන කණු රැසකටත් හානි
බණ්ඩාරගම, අටලුගම මාරාව ප්‍රදේශයේදී සිදුවූ රිය අනතුරකින් දුරකථන කණු රැසකට හානි සිදුවී යතුරුපැදිකරුවෙකු තුවාල ලබා තිබෙනවා.
කාපට් තලන යන්ත්‍රයක් ප්‍රවාහනය කරමින් තිබූ ලොරියක් පෙරලීමෙන් මෙම අනතුර සිදුව තිබේ.
කාපට් තලන යන්ත්‍රයේ ඉහළ කොටස මාර්ගය හරහා ඇද තිබෙන දුරකථන රැහැන්වල ගැටීමත් සමඟ දුරකථන කණු හා රැහැන් කැඩී මාර්ගය හරහා වැටී තිබෙනවා.
එම අවස්ථාවේ පැමිණෙමින් තිබූ යතුරුපැදියක් එම රැහැන්වල පැටලි අනතුරට ලක්වීමෙන් පැදිකරු බරපතල තුවාල ලැබුවා.
අදාළ ලොරි රථයේ රියදුරු අත්අඩංගුවට ගෙන ඇති අතර බණ්ඩාරගම පොලිසිය මේ පිළිබඳ පරික්ෂණ සිදුකරනවා.
