බොලිවියාවේ බස් රථ අනතුරකින් 37ක් මරුට
බොලිවියාවේ – උයුනි නගරයේ මගී බස් රථ දෙකක් එකිනෙක ගැටී සිදුවූ අනතුරකින් පුද්ගලයින් 37 දෙනෙකු මියගොස් තවත් 39 දෙනෙකු තුවාල ලබා තිබෙනවා.
අනතුරට ලක්ව ඇති එක් බස්රථයක් ලතින් ඇමරිකාවේ විශාලතම උත්සව වලින් එකක් වන ඔරුරෝ සැණකෙලිය පැවැත්වෙන බටහිර නගරයක් වන ඔරුරෝ ප්‍රදේශයට ගමන් කරමින් සිට ඇති බවයි විදෙස් වාර්තා සදහන් කළේ.
මූලික විමර්ශන අනුව සැක කෙරෙන්නේ අධික වේගය අනතුරට හේතුවන්නට ඇති බවය.
අනතුරින් 39 දෙනෙකු තුවාල ලබා ඇති අතර ඔවුන්ගේ අනන්‍යතාව මෙතෙක් අනාවරණ වී නොමැත.
බොලිවියාවේ නිරන්තරයෙන් මෙවැනි මාරාන්තික රිය අනතුරු වාර්තා වන අතර ඉන් බහුතරයක් වාර්තා වන්නේ පොටොසි කලාපයෙනි.
පොටොසි කලාපය කඳුකර කලාපයක් වීම සහ මාර්ග නඩත්තු කිරීම් නිසියාකාරව සිදු නොකිරීම ඊට හේතුව බව පැවසේ.
