බස්රථ දෙකක් එකිනෙක ගැටී පාසල් ළමුන් ඇතුළු 11 කට තුවාල
තංගල්ල වීරකැටිය මාර්ගයේ ගොඩවානගොඩ 03 කණුව ප්‍රදේශයේදී බස් රථ 2ක් එකිනෙක ගැටී අනතුරක් සිදුව තිබේ.
අද (16) දහවල් 1.15ට පමණ සිදුවූ එම අනතුරෙන් පාසල් ළමුන් ඇතුළු 11 දෙනෙකු තුවාල ලබා තංගල්ල මූලික රෝහලට ඇතුළත්කර ඇති බව පොලීසිය පැවසීය.
වලස්මුල්ල සිට තංගල්ල බලා ධාවනය වෙමින් පැවති බස් රථයක් එහි පසුපසින් පැමිණි තවත් බස් රථයක් සමග කරට කර ධාවනය කිරීමට යාමේ දී එක් බස් රථයක් තිරිංග තදකර තිබේ.
එහිදී බස් රථ දෙක එකිනෙක ගැටී ඇති අතර එම වරද කළ රියදුරු පලා ගොස් ඇති බවයි, තංගල්ල පොලිසිය පැවසුවේ.
මේ සම්බන්ධයෙන් වැඩිදුර විමර්ශන තංගල්ල පොලිසිය විසින් සිදු කරනු ලබයි.