සුනඛයකු බේරන්න ගිහින් ත්‍රීරෝද රිය බස් රථයක ගැටී දරුවෙකු මරුට
රාජාංගනය, අනුරාධපුර – පුත්තලම ප්‍රධාන මාර්ගයේ දී පුත්තලම දෙස සිට අනුරාධපුර දෙසට ධාවනය වූ ත්‍රීරෝද රථයක් මාර්ගයේ පෙරළී ගොස් ඉදිරියෙන් පැමිණි බස් රථයක ගැටී ඊයේ (05) රාත්‍රීයේ සිදු වූ අනතුරකින් ත්‍රීරෝද රථයේ සිටි කුඩා දරුවෙකු මියගොස් තිබේ.
මෙසේ මියගොස් ඇත්තේ, වයස අවුරුදු 12ක් වූ වැලිහේන, හලාවත ප්‍රදේශයේ පදිංචි දරුවෙක්.
පොලීසිය සඳහන් කළේ, මාර්ගය හරහා ගිය සුනඛයකුගේ ගැටීම වැළැක්වීමට යාමේදී ත්‍රීරෝද රථය මෙලෙස පෙරළී ගොස් බස් රථයේ ගැටී ඇති බවයි.
අනතුරෙන් පසු ත්‍රීරෝද රථයේ රියදුරු හා පිටුපස අසුනේ ගමන් කළ දරුවා තුවාල ලබා නොච්චියාගම රෝහල වෙත ඇතුළත් කිරීමේදී දරුවා මියගොස් තිබේ.
පසුව ත්‍රීරෝද රථයේ රියදුරු වැඩිදුර ප්‍රතිකාර සඳහා අනුරාධපුර රෝහලට ඇතුලත් කර තිබේ.
අනතුර සම්බන්ධයෙන් බස් රථයේ රියදුරු අත්අඩංගුවට ගෙන ඇති අතර රාජාංගනය පොලීසිය වැඩිදුර විමර්ශන සිදුකරයි.