පැපුවා නිව්ගිනියා ආසන්න මුහුදේ ප්‍රබල භූ කම්පනයක්
පැපුවා නිව්ගිනියාව අසල රිච්ටර් මාපකයේ 6.9ක ප්‍රබල භූමිකම්පාවක් ඇති වූ බව අමෙරිකාවේ භූවිද්‍යා සමීක්ෂණ ආයතනය පවසයි.
එරට වේලාවෙන් අද (5) උදෑසන මෙම භූකම්පනය සිදුව ඇති බවයි, වාර්තා වුණේ.
එමෙන්ම මෙම භූමිකම්පාවෙන් අනතුරුව රික්ටර් මාපකයේ 5.3ක පසුකම්පනයක් ඇතුළුව පසුකම්පන කිහිපයක් ද ඇති වූ බවයි, එක්සත් ජනපද භූවිද්‍යා සමීක්ෂණ ආයතනය වැඩිදුරටත් වාර්තා කරන්නේ.
භූමිකම්පාව හේතුවෙන් වෙරළබඩ ප්‍රදේශවලට අනතුරුදායක සුනාමි රළ ඇති විය හැකි බවට පුරෝකථනය කර පැපුවා නිව්ගිනියාවට සුනාමි අනතුරු ඇඟවීම් නිකුත් කිරීමට එම සමීක්ෂණ මධ්‍යස්ථානය කටයුතු කර ඇත.
කෙසේ නමුත් ඉන් අනතුරුව එම සුනාමි අනතුරු ඇඟවීම අවලංගු කර ඇත.
