සිසිල් බීම යැයි සිතා ඩීසල් පානය කළ දරුවෙකු මරුට
සිසිල් බීම යැයි සිතා නිවසේ බෝතලයක තිබූ ඩීසල් පානය කළ දරුවෙකු ජීවිතක්ෂයට පත්ව ඇතැයි, යාපනය, කයිට්ස් පොලීසිය පවසයි.
මෙලෙස ජීවිතක්ෂයට පත්ව ඇත්තේ, යාපනය, කයිට්ස්, නාරාත්තනෙයි ප්‍රදේශයේ පදිංචි වයස අවුරුද්දයි මාස නමයක් වු දරුවෙකි.
නිවසේ තිබූ ඩීසල් පිරවූ බෝතලයක් සිසිල් බීම යැයි සිතා දරුවා විසින් පානය කර ඇති අතර ඒ බව දුටු දෙමාපියන් දරුවා කඩිනමින් කයිට්ස් රෝහලට ඇතුළත් කර තිබූ බව පොලීසිය පැවසීය.
අනතුරුව දරුවා වැඩිදුර ප්‍රතිකාර වෙනුවෙන් යාපනය රෝහල වෙත ඇතුළත් කර තිබූ අතර, ප්‍රතිකාර අතරතුර දරුවා ඊයේ (23) ජීවිතක්ෂයට පත්ව තිබේ.
සිද්ධිය සම්බන්ධයෙන් කයිට්ස් පොලීසිය වැඩිදුර පරීක්ෂණ මෙහෙයවයි.
