පොලිස් මාධ්‍ය ප්‍රකාශක ඉල්ලා අස්වෙයි
පොලිස් මාධ්‍ය ප්‍රකාශක, ජ්‍යෙෂ්ඨ පොලිස් අධිකාරි නීතිවේදී බුද්ධික මනතුංග මහතා එම ධුරයෙන් ඉල්ලා අස්වී තිබේ.
ඊට අදාළ ලිපිය ඒ මහතා විසින් වැඩබලන පොලිස්පති ප්‍රියන්ත වීරසූරිය මහතා වෙත යොමුකර ඇති බවයි, වාර්තා වෙන්නේ.
පෞද්ගලික හේතුවක් මත ඔහු මෙම ධුරයෙන් ඉල්ලා අස්වෙන බවද වාර්තා වේ.
පසුගිය දෙසැම්බර් 16වැනිදා ශ්‍රී ලංකා පොලිසියේ පොලිස් මාධ්‍ය කොට්ඨාසයේ අධ්‍යක්ෂවරයා වශයෙන් සහ පොලිස් මාධ්‍ය ප්‍රකාශකවරයා වශයෙන් ඔහු සිය ධුරයේ වැඩ භාරගනු ලැබීය.
