පළාත් පාලන ඡන්ද විමසීම මැයි 06 වැනිදා
පළාත් පාලන ඡන්ද විමසීම එළැඹෙන මැයි මස 06වැනි අඟහරුවාදා පැවැත්වීමට තීරණය කළ බව මැතිවරණ කොමිෂන් සභාව නිවේදනයක් නිකුත් කරමින් දැනුම් දෙයි.
පළාත් පාලන ආයතන 336 කට අදාළව පැවැත්වෙන ඡන්ද විමසීමේ නාමයෝජනා භාර ගැනීම අද මධ්‍යහ්න 12 න් අවසන් වු අතර ඉන් පසුව ඡන්ද විමසීම පැවැත්වෙන දිනය මෙලෙස නිවේදනය කෙරුණි.
පළාත් පාලන මැතිවරණය පැවැත්වීම සඳහා 2023 වසරේදී නාම යෝජනා කඳවනු ලැබුව ද, පැවති රජයෙන් මැතිවරණය පැවැත්වීමට අවශ්‍ය අරමුදල් ලබා නොදීම හේතුවෙන් මැතිවරණය කල්දැමීමට මැතිවරණ කොමිෂන් සභාවට සිදුවිය.
එහෙත්, මෙවර පළාත් පාලන මැතිවරණය සඳහා අවශ්‍ය අරමුදල් ලැබී ඇති බවයි, මැතිවරණ කොමිෂන් සභාවේ සභාපතිවරයා පවසා සිටියේ.
