පාසැල් ළමුන් සහ වාර ප්‍රවේශපත්‍ ඇති පිරිස් මග හලා යන ලංගම රියදුරන් ගැන කියන්න අංකයක්
පාසැල් දරුවන් සහ ලංගම වාර ප්‍රවේශපත්‍ර ඇති පුරවැසියන් මගහැර ධාවනය කරන ලංගම බස්රථ රියදුරන් සම්බන්ධයෙන් 1958 අංකයට දැනුම් දෙන ලෙස ප්‍රවාහන, මහාමාර්ග, වරාය සහ සිවිල් ගුවන් සේවා අමාත්‍ය බිමල් රත්නායක මහතා මහජනතාවගෙන් ඉල්ලීමක් කරයි.
අමාත්‍යවරයා පවසා සිටියේ, ඕනෑම පුරවැසියෙකුට ඒ සම්බන්ධයෙන් අදාළ අංකයට දැනුම් දීමක් කළ හැකි බවය.
පසුගියදා ප්‍රවාහන, මහාමාර්ග, වරාය සහ සිවිල් ගුවන් සේවා අමාත්‍යාංශයීය උපදේශක කාරක සභාවේදී අදාළ ගැටලුව සම්බන්ධයෙන් සාකච්ඡා වූ අවස්ථාවේදී මෙම තීරණය ගෙන ඇත.
එහිදී අමාත්‍යවරයා වැඩිදුරටත් පවසා සිටියේ, මෙම කරුණ පිළිබඳව තමා දැනුවත් බවත්, මෙවැනි අකටයුතු සම්බන්ධයෙන් දැඩි ක්‍රියාමාර්ග ගැනීමට පසුබට නොවන වන බවත්, මේ පිළිබඳව ලංගම රියදුරන් සහ කොන්දොස්තරවරුන් දැනුවත් කර ඇති බවත්ය.
