හැරීගේ දුවයි පුතයි මෙරට ව්‍යාපාරික වාර්තා පොත් අලුත් කරති
අභාවප්‍රාප්ත සුප්‍රකට ව්‍යාපාරික හැරී ජයවර්ධනගේ පුත් හසිත ජයවර්ධන සහ බාල දියණිය ස්ටෂානි ජයවර්ධන පොදු ලැයිස්තුගත සමාගමක ලාබාලතම සභාපති සහ සභාපතිනිය බවට පත්වෙමින් මෙරට වාර්තා අතරට එක්ව ඇති බව විශ්ලේෂකයෝ පවසති.
මේවනවිට 35 වැනි වියේ පසුවන හසිත ජයවර්ධන Melstacorp PLC හි මෙන්ම ඩිස්ටිලරීස් සමාගමේ සභාපතිවරයා ලෙස පත්කර තිබේ.
40 හැවිරිදි ස්ටෂානි ජයවර්ධන Aitken Spence PLC හි සභාපතිනිය ලෙස පත්කර ඇත.
ඇය එම සමාගමේ සභාපතිධූරයට පත් පළමු කාන්තාව වන අතර 2013 දී ලාබාලතම අධ්‍යක්ෂවරිය ලෙස සමාගමට එක්ව තිබේ.
හසිත ජයවර්ධන එක්සත් රාජධානියේ කෙන්ට් විශ්වවිද්‍යාලයෙන් ව්‍යාපාර පරිපාලනය පිළිබඳ ගෞරව උපාධියක් ලබා ඇත.
ස්ටෂානි ජයවර්ධන එක්සත් රාජධානියේ ශාන්ත ජේම්ස් සහ ලුසී ක්ලේටන් විද්‍යාලයේ සහ කීල් විශ්වවිද්‍යාලයේ හා සිංගප්පූරුවේ කළමනාකරණ සම්මාන ආයතනයේ උපාධිධාරිනියකි.
තවද ඇය එක්සත් රාජධානියේ කේම්බ්‍රිජ් විශ්ව විද්‍යාලයේ (විනිසුරු ව්‍යාපාර පාසලේ) සහකාර ආදි ශිෂ්‍යයාවකි.
