‘ඇල්ල ඔඩිසි නානුඔය’ අද සිට

February 10, 2025 10:26 am 0

දෙස් විදෙස් සංචාරකයන්ගේ ඉල්ලීම මත ‘ඇල්ල ඔඩිසි නානුඔය’ නමින් නව දුම්රිය ගමන්වාරයක් නානුඔය හා බදුල්ල දුම්රිය ස්ථානය අතර අද (10) සිට ගමන් ආරම්භ කරන බව දුම්රිය දෙපාර්තමේන්තුව පවසයි.

ප්‍රවාහන, මහා මාර්ග, වරාය සහ සිවිල් ගුවන් සේවා අමාත්‍ය බිමල් රත්නායක මහතාගේ උපදෙස් මත මෙම දුම්රිය ගමන් අරඹන බව දුම්රිය සාමාන්‍යාධිකාරි ධම්මික ජයසුන්දර මහතා පැවසීය.

මෙම දුම්රිය අඟහරුවාදා දින හැර සතියේ සෑම දිනකම S14 මැදිරි කට්ටලයක් සමගින් පෙ.ව. 08.10 ට නානුඔය සිට බදුල්ල දක්වා ධාවනය වීමට නියමිත අතර පස්වරු 01.00 ට බදුල්ල සිට නානුඔය දක්වා ධාවනය කිරීමට නියමිතයි.

පළමු පන්තියේ වෙන්කල ආසන (AFC)- රුපියල් 7,000ක්, දෙවන පංතියේ වෙන්කල ආසන (SCR) රුපියල් 6,000, තෙවන පංතියේ වෙන්කල ආසන (TCR) – රුපියල් 5,000ක්.

පහත දැක්වෙන දර්ශන ස්ථානවලදී දුම්රිය මන්දගාමීව ගමන් කරනු ලබයි.