ගල්කිස්සේ වෙඩි තැබීමක් – වෙඩික්කරු අත්අඩංගුවට
ගල්කිස්ස බඩෝවිට සිරිපාල පාරේදී අද (19) දහවල් පුද්ගලයකුට වෙඩිතබා යතුරු පැදියෙන් පළා ගිය වෙඩික්කරු ඊට සුළු වේලාවකට පසු දෙහිවල ධර්මාරාම මාර්ගයේ දී ගිනි අවිය සමඟ අත්අඩංගුවට ගත් බව පොලිසිය පවසයි.
වෙඩි ප්‍රහාරයට ලක් වූ පුද්ගලයා ප්‍රථිකාර සඳහා මේ වනවිට කළුබෝවිල ශික්ෂණ රෝහලට ඇතුලත් කර තිබේ.
වෙඩි තබා පළා යමින් සිටියදී වෙඩික්කරු ගිනි අවියද සමඟ අත්අඩංගුවට ගත් බවත් පැනගිය පැදිකරු සොයා විමර්ශණයක් ආරම්භ කර ඇති බවත් පොලිසිය පවසයි.
